Suportado ti Philippine National Police (PNP) ti panagregget ti gobierno a nan-anay a gibusen ti kinaranggas kontra kadagiti ubbing inton umadani a 2030.
Ti statement nga daytoy ti PNP ket kasaruno ti nagbalin a commitment ti Department of Health (DOH) ti naisayangkat a 2nd Global Ministerial Conference on Ending Violence Against Children ditoy Pilipinas idi Nobyembre 18.
Segun kenni PNP Chief General Jose Melencio Nartatez Jr., agkarkari ti national a Pulisya a mapapigsa dagiti agbalinda nga addang ken papartaken dagiti aksyon kadagiti kaso a maipadamag ken masigurado ti panagsungbat iti linteg dagiti suspek gapu ta deserve ti tunggal ubing a dumakkel iti aglawlaw a maprotektaran ti kinatalged, dignidad ken karbengan dagitoy.
Impasigurado met ti Top Cop a mapainget ti cybercrime monitoring ken imbestigasyon, agraman dagiti koordinasyon kadagiti kabinnulig nga ahensiya ken digital platforms tapnu matiliw dagiti indibidwal a mangararamat iti internet tapnu makaaramid iti panaggundaway kadagiti ubbing.











