Kinondenar ti NATO ti iseserrek ti dua a missile ti Russia ken maipagarup a drone iti airspace ti Poland, bayat a mangisaysayangkat dagiti tropa ti Europa kadagiti military exercises iti nasao a pagilian.
Sigun iti maysa a report, inawagan ti Polish Prime Minister ti pasamak kas posible a probokasyon ti Russia.
Napasamak daytoy bayat a mangisayangkat dagiti suldado manipud iti 11 a pagilian ti Europa iti panagsanay iti militar kas panagsagana iti posible a mision a mangtaginayon iti talna idiay Ukraine inton malpas ti gubat.
Nangpataud met daytoy iti panagamak iti seguridad ti Europa, nangruna ta miembro ti NATO ti Poland.
Iti sidong ti Artikulo 5 ti NATO treaty,, ti armado a panangraut iti maysa a pagilian a kameng ket maibilang a panangraut iti intero nga aliansa, nupay saan nga automatiko a kaipapanan daytoy ti deklarasion ti gubat.











