Agtalek ni Senate President Sherwin Gatchalian a kabaelan ti Kongreso nga ipasa ti naisingasing a ₱2027 national budget sakbay ti Disiembre 17 tapno masigurado ti agtultuloy a pondo para kadagiti programa ken proyekto ti gobierno inton sumaruno a tawen.
Segun kenni Gatchalian, rugian ti Senado ita a Nobiembre 23 dagiti plenary debates wenno naan-anay a diskusion maipapan iti national fund proposal, a manamnama nga agpatingga inton Nobiembre 27.
Kalpasan daytoy, maisayangkat dagiti kasapulan a panagbasa ken diskusion sakbay a maisubmitir iti bicameral conference committee, nu sadino a pagtunusen ti Senado ken Kamara ti bukodda a bersion ti budget proposal.
Impaganetget ti Senate President a napateg ti pannakaipasa ti nasional a badyet iti umiso a tiempo tapno maliklikan ti reenacted budget wenno pannakausar ti pondo iti napalabas a tawen bayat nga awan pay ti baro a badyet.
No adda ti reenacted budget, dagiti ahensia ti gobierno ket kadawyan nga agususar laeng ti sigud a badyet para iti regular ken agtultuloy nga operasion, a mabalin a mangapektar iti pannakaipatungpal dagiti baro a programa ken proyekto.











