LA UNION – Siniguro ti Department of Agriculture (DA) nga ad-adu pay a lokal a gobyerno iti mabenipisyaran nga aglako ti P29/kilo ti bagas iti sumaganad a lawas .
Segun kenni DA Spokesperson Asec. Arnel de Mesa, sipud inyuswat da iti P29 rice program ket agsasaruno metten ti pannaki-koordinar dagiti LGUs tapno mailako iti masakopan da a lugar da iti nalak-laka a bagas.
Segun pay kenni De Mesa, iyurnos da laeng dagiti guidelines tapno masiguro a dagiti laeng vulnerable sector ti makagatang ti nalak-laka a presyo ti bagas.
Inton Agosto ket plano a maiyuswat idiay Visayas iti P29 rice program.
Siniguro na pay nga adda umdas a suplay ti nalaklaka a bagas tapno mamantinir iti programa.
