BR LA UNION – Nangabak kas mayor idiay Rizal, Cagayan iti 21-anyos a ni Jamila Ruma, iti anak ti napapatay a mayor a ni Joel Ruma.
Ni Jamila ti simmukat iti ama na a napapatay bayat ti panagkampanya na idiay Barangay Illuru Sur, agarop alas 9:30 ti rabii idi Abril 23, tallo lawas sakbay ti midterm election.
Indatag ni Jamila ti certificate of candidacy na idi Abril 29, dandani maysa a lawas laeng kalpasan ti pammaltog iti ama na a mayor.
Maibasar iti resulta ti binnilangan ti botos wenno 48.27% iti total electoral results, nakagun-od ni Jamila ti 6,298 votes.
Daytoy ket nasurok 2,000 votes ti nangitarayanna iti kinalabanna a ni Ralph Mamauag, a nakagun-od ti 4,146 votes.
Ni Jamila iti agbalin a kaubingan a mayor idiay Rizal, Cagayan ken intero a pagilian.
Kabayatanna, nangabak met ti ina ni Jamila kas bise mayor ti Rizal Cagayan.
Nakagun-od ni Vice Mayor Brenda Ruma, ti 6,448 votes bayat a ti kalabanna a ni Pastor Ligtas Jr. ket nakagun-od ti 3,825 votes.
