Agtalek iti kampo dagiti biktima ti drug war nga ibasura ti Appeals Chamber ti International Criminal Court (ICC) iti apela ti kampo ni Presidente Rodrigo Duterte maipapan iti temporario a pannakawayawayana wenno interim release.
Malagip nga immunam daytoy a pinagkedkedan ti pre-trial chamber ti ICC.
Segun kenni Atty. Kristina Conti, assistanct to counsel ti ICC, saan a pasado iti alagaden ti ICC dagiti argumento ti kampo ni Duterte para iti interim release.
Kenunana, 99% confident da a saan a mapalubusan iti apela.
Iti pakasaritaan ti ICC ken ti parametro, iti basic criteria ti interim release ket no maitunos iti tarigagay ni Duterte iti pagalagadan, banag a para kenkuada ket adayo iti kinapudno.
Innayonna pay nga uray pagbigyan ti Appeals Chamber iti apela ket arigna awan ton ti agbalin nga epekona iti pakabuklan a taray ti kaso.
Iti agdama, nakapamaysa iti kampo dagiti biktima iti agbalin a desision ti ICC maipapan iti isyu ti “fitness to stand trial” ti sigud a Presidente.#
