LA UNION – Naka-pokus ita ti Presidential Anti-Organized Crime Commission (PAOCC) a parmeken ti nasurok 100 a babassit nga illegal gambling operators ditoy pagilian.
Segun kenni PAOCC spokesperson Winston Casio, immadu dagiti babassit nga illegal gambling operators kalpasan a naparmek iti Philippine Offshore Gaming Operations (POGO).
Kinuna pay ni Casio a masarakan dagitoy iti Luzon, Visayas ken Mindanao.
Aminado ni Casio a dackel a karit kadakuada agsipudta adu kadagitoy ket adda iti underground operations.
Isunga, al-allokoyenna dagiti Pilipino a real estate owners nga i-report a dagus dagiti atapen nga illegal activities dagiti agren-renta.
Ban-bantayan da pay dagiti Chinese ken Malaysian nationals a mabalin a mangpi-finance ti nasao nga illegal gambling.
Pinagyamanan na ti naduma-duma nga ahensiya ken Local Government Units a tumultulong tapno naan-anay a maisardeng iti iligal nga operasyon dagitoy nga operators.
Kabayatanna, imon-monitor pay ti PAOCC dagiti Pilipino a posible a mangsublat iti scamming operations nga imbati ti international POGO.
