Nagviral ti baro a pasngay a baboy gapo ti kaadda na ti arig na rupa ti tao, isu ket nangigubuay ti spekulasyon para kadagiti nakakita.
Ti baboy ket addaan ti mata, agong, ken ngiwat a kapada ti tao.
Gaksang-gasat, natay metlaeng daitoy kalpasan ti sumagmamano nga oras na laeng a nabiag.
Segun iti akinkukua ti baboy, saan a daitoy ti umuna a gundaway nga adda iti nakaskasdaaw a panagpasngay iti talon da – idi kallabes ket maysa baboy da metlaeng ti naipasngay nga addaan iti arig na payak ti billit.
Kabayatan ti naglalaok nga espekulasyon ken dadduma pay a panag-amak, inlawlawag met ti eksperto iti pudno a napasamak.
Inlawlawag ti maysa a beterinaryo a ti baboy ket nakadapas ti congenital abnormalities, maysa a kondisyon a nangigubuay ti severe deformities kadagiti maapektaran.
Gapo iti kaso ti baboy, kinuna ti beterinaryo a naikeddeng a matay daitoy a nasap agsipud ta dagiti vital organs kas iti bara ken puso na ket saan pay naan-anay a nabukel.
Laksid ti siyentipiko nga pananglawlawag, agtultuloy met latta dagiti debate ken diskusyon online para ti nakaskasdaaw nga itsura ti baboy.
