BR LA UNION – Awanen ti direkta nga epekto ditoy pagilian ti bagyo Bising bayat nga agtultuloy nga umad-adayu iti pagilian ken namnamaen a rumwar iti Philippine Area of Responsibility (PAR) ita a bigat, segun iti state weather bureau.
Maibasar iti 5:00 AM weather update ti DOST-PAGASA, naudi a nasaripatpatan iti sentro ti Typhoon Bising iti kaadayu a layong 405 km amianan amianan-a-laud ti Itbayat, Batanes.
Kabuyogna iti kapigsa ti angin a 130km/h ken kapegges nga umabot ti 180km/h.
Iti agdama, dup-dupagenna iti amianan a-padaya iti kapaspas a 25 km/h.
Rumuar ti Typhoon Bising iti northern boundary ti PAR ita nga agsapa.
Iti forecast track, ti bagyo BISING ket ag-landfall iti maikadwa a gundaway idiay Eastern China agingga a kumapsot ken agbalin a remnant low.
Naibabawi metten ti Tropical Cyclone Wind Signal No. 1 idiay Batanes .
Nupay kasta, agtultuloy iti panagraira ti hanging habagat, makapadas latta iti nangato a tiyansa ti panagtudtudo iti dackel a paset ti Luzon, western section ti Visayas, ken Mindanao.
maibasar iti Weather Advisory No. 3 makapadas iti 50-100 rainfall ita nga aldaw ti Lunes, Hulyo 7, iti Ilocos Norte, Ilocos Sur, La Union, Pangasinan, Zambales, ken Bataan gaputi habagat.
Nangipaulog pay ti state weather bureau ti Gale Warning iti seaboard ti Extreme Northern Luzon, kaipapanan a peligro para kadagiti naka-bangka a mangngalap ken amin a klase ti motorbancas.
