LA UNION – Agtultuloy ti panagbigbig dagiti otoridad iti maysa a bangkay ti lalaki ken ti rason iti panakatayna kalpasan daytoy a masarakan idiay kabaybayan ti Brgy. San Agustin, siyudad ti San Fernando , La Union ita laeng bigat.
Maibasar iti nakalap nga impormasyon ti Bombo Radyo manipud iti pulisya, daytoy ket nasarakan iti maysa nga residente nga maniramaan nga ag-jogjogging iti igid iti baybay asideg iti maysa a resort.
Kinuna ti nadakamat a residente a a saan na nga inkaso ti lalaki a kas laeng matmaturog ngem idi nagsubli daytoyen ket saan latta nga agkut-kuti ken nabaliw iti posisyon iti lalaki iso nga ninpakaamu na daytoy iti bayawna a miyembro iti La Union Rescue.
Ti nasao a lalaki ket adaan iti kadangkaw a 5’8” nakasuot iti blue ken orange a tshirt, maong a pantalon ken sapatos a maris black ken brown.
Iti agdama ket addan iti punerarya ti bangkay ken naituding a maipasidong iti post-mortem examination.
