LA UNION – Maan-anop ita iti maysa a barangay tanod gaputi maipagarop a panangtutok na ti paltog iti maysa a kalugaran na, bayat ti panagsusugal dagitoy iti lamay idiay Barangay Poro, San Fernando City, La Union.
Iti suspek ket nabigbig iti nagan a Joselito Ablan, 42, baro, bayat a ti biktima a napaturongan ti paltog ket managan Mark Joseph Cariño, 30, baro, agpada a residente ti nadakamat a lugar.
Maibasar iti report, kabilang dagiti dua kadagiti nagsasango nga agsusugal idi rabii iti lamay ti natay a kalugaran da, idi maipagarop a nakarurod ti suspek itii panangabak ti biktima.
Dagus a timmakder ken inruar ti nakasalikad a paltog iti siket na, maysa a .45 cal pistol, ket maipagarop nga impaturong na iti biktima.
Malaksid dayta, maipagarop nga innala pay ti suspek dagiti pusta a kuwarta.
Iti agdama, sap-sapolen dagiti otoridad iti nasao a barangay tanod, a maipagarop a naglibas kalpasan ti insidente.
