LA UNION – Madama ita a nakasanglad iti pier ti siyudad San Fernando, La Union ti barko a BRP Ramon Alcaraz a naggapu iti panagpatrolya iti Benham Rise.
Sigun kenni Commodore Rene Nadugo, commanding officer ti BRP Ramon Alcaraz, nagtalinaed ti nasao a warship tapno ag-refuel ken gumatang iti kasapulanda iti panagdallasat, kas kuma iti makan ken mainum bayat nga agur-urayda iti mandato seknan ti sumaruno da a misyon.
Kinuna pay ti opisyal nga awan iti nasaripatpatan da a barko dagiti ganganaet idiay Benham Rise bayat iti pinagpatrolya da iti nadakamat a lugar.
Kabayatanna, inikkat met iti gundaway ti Philipine Navy dagiti estudyante a makasrek ken makitada ti uneg ti nasao a barko.
