Nagboluntario da Manila Representative Bienvenido Abante ken Santa Rosa, Laguna Representative Dan Fernandez nga agbalin a resource speaker kalpasan ti panagparang ni sigud a Mandaluyong Police Station Chief Police Colonel Hector Grijaldo iti maika-14 a panagdengngeg ti House Quad Committee.
Nagbalin a kontrobersial ni Grijaldo kalpasan nga inakusaranna ti dua a mammanday-linteg iti harassment.
Maibasar iti palawag ni Grijaldo iti Senate hearing, mapapati a pinilit da Abante ken Fernandez a mangted isuna iti testimonia mainaig iti war on drugs ti administrasion ni Duterte.
Immunan nga inwaragawag dagiti dua a kongresista a lapdanda isuna apaman nga agparang ni Grijaldo iti komite.
Ita a nagbalinen nga resource speakers da Abante ken Fernandez ket saanen a makalusot dagitoy iti contempt no mapaneknekan nga agul-ulbodda.
Inlawlawag ni Antipolo Representative Romeo Acop nga awan ti nagbaliwan ti house rules kalpasan a nagboluntario da Abante ken Fernandez nga agbalin a resource persons gapu ta isu met laeng ti polisiada para kadagiti resource speakers ken para kadakuada.
Nagpakaasi ni Representative Abante iti komite no bilang ta ma-contempt ket idiay to opisinana nga maarestar isuna.
