Kiniddaw ni filmmaker Darryl Yap iti korte ti gag order manipud iti Muntinlupa City Regional Trial Court (RTC) Branch 205 tapno malapdan ti kampo ti beterano nga aktor ken tv host a ni Vic Sotto a mangdiskusion iti aniaman a detalye maipapan iti kaso a pakairamanan ti kontrobersial a pelikula na a ‘The Rapists of Pepsi Paloma’.
Ti mosion ket kas sungbat iti reklamo ni Sotto a naglaon iti 19 counts of cyberlibel, nga addaan iti kiddaw a danyos a dumanon iti P35 million.
Nangrugi ti kontrobersia babaen ti teaser a nairuar idi Enero 1, 2025 para iti pelikula ni Yap a maipagarup a naglaon kadagiti makadadael a waragawag mainaig kenni Sotto, isu ket magikonkonektar kenkuana iti pimmusay a sexiest star idi dekada 80 a ni Pepsi Paloma.
Impaganetget ti legal counsel ni Yap a ni Attorney Raymond Fortun a ti pannakaipablaak ti linaon ti verified return na gapu ta panaglabsing dayta iti freedom of expression ti kliyentena ken mabalin a mangdadael met iti pelikulana, nangruna ta saan pay daitoy a nairuar.
No maipalubos, ti gag order ket mangpasardeng kenni Sotto wenno dagiti pannakabagina nga agsao iti publiko maipapan iti kaso, ta ti banag ket nakaawaten iti nasaknap nga atension manipud iti media.
Dinakamat ti kampo ni Yap a daytoy ket segun iti ‘sub-judice rule,’ a mangiparit iti publiko nga agkomento kadagiti kaso nga agdama a nakasagana.
Nagyaman ni Yap iti legal counsel-na, espesipiko kenni Fortun ken ti anakna a ni Raymond Wilhelm Fortun iti postna iti social media a a mangibingbinglay iti retrato kadakuada.
Caption ni Yap iti post na: ‘Thank you Fortun’.
