Nagpalagip ti Department of Education (DepEd) kadagiti pagadalan a liklikan ti aniaman a partisan political activities kasaruno ti panakaangay dagiti graduation ken moving-up ceremonies ti school year (SY) 2024-2025.
Babaen ti Department Memorandum No. 27 s. 2025 ni Education Sec. Sonny Angara, mapalagipan ti amin nga aopisyal ti ahensya, teaching at non-teaching personnel, a maiparit kadakuada ti aniaman a political activities kas maiyannurot iti daitoy a polisiya.
Impaganetget ti ahensiya nga nasken nga aramiden a simple ngem naisangsangayan ti graduation ken moving-up ceremonies a saan nga makagastar ti pondo, nangingina a kawes wenno venues.
Mapawilan pay dagiti DepEd personnel nga agkolekta ti aniaman a kontribusyon wenno fees para iti seremoniya.
Amin a kapada a gastos ket nakapamaysan iti maintenance and other operating expenses (MOOE) ti pagadalan.
Naballaagan met dagiti pagadalan a mangisayangkat ti end-of-school-year rites iti indoor venues nga addaan ti natalged a bentilasyon wenno covered courts tapno maliklikan ti pannakaipasarang ti init kasta met a ma-reschedule dagiti aktibidad kadagiti panawen a nangato ti tempereatura.
Kabayatanna, nangipadanon met ti panagkablaaw ni Education Sec. Angara kadagiti amin nga agraduar ita nga School year 2024-2025.
