Nangipaulogen ti NAPOLCOM en banc iti desision idi Disiembre mainaig iti 99 a summary dismissal cases pakairamanan ti 56 respondents mainaig pay laeng iti anomalous 990kg drug haul idi Oktubre 2022.
Impadamag ni NAPOLCOM Vice Chairperson ken Executive Officer Ricardo Bernabe a maibasar iti desision ti Napolcom En Banc, 21 a respondents ti naikkat iti serbisio, 16 ti na-demote iti ranggo da, 4 a respondents ti nasuspende iti innem a bulan, ken 12 a kaso ti respondent ti naibasura.
Segun kenni Bernabe, ur-urayenda pay laeng ti pannakakumpirma ti Opisina ti Presidente mainaig iti rekomendasion a mangikkat iti serbisio kadagiti tallo nga opisial ti PNP a presidential appointees.
Karaman kadagitoy nga opisial da Police Brigadier General Narciso Domingo, Police Colonel Rolando Portera, ken Police Colonel Julian Olonan, a karaman amin iti kontrobersial a drug haul.
