Dinagadag ni Department of National Defense Secretary Gilberto Teodoro ti amin nga umili a Pilipino a tuladen ti impamatmat a kinatured ti “Ama ng Himagsikan” a ni Andres Bonifacio iti kangitingitan ti agtultuloy a sangsangwen a karit ti seguridad ti Pilipinas.
Inaramid ti sekretaryo ti panawagan para iti pannakarambak ti maika-161 a kasangay ni Bonifacio ita nga aldaw ti Nobiembre 30.
Kinuna ni Seretary Teodoro a ti kwento ni Bonifacio a napakumbaba iti rugrugi agingga iti panagngidaulo na iti laban kontra kadagiti Espanyol ket mangibagi kadagiti personel ti DND a napagtalkan iti mandato a protektaran ti soberaniya ken integridad ti teritoryo iti Republika ng Pilipinas.
Segun pay iti sekretaryo, iti panagsango ti agdama a karit ti seguridad ti Pilipinas ket pakairamanan ti external threat tapno dadaelen iti panunot dagiti Pilipino isu ket nasken kunana a tuladen ken alaen ti inspirasyon iti kinatured, kinaibtur ken panagayat ni Bonifacio iti pagilian.
Inallukoy pay ti DND chief dagiti Pilipino a mangipaay iti panagsaludo iti legasiya ni Bonifacio babaen iti panangprotektar ti kinatalged ken pannakawayawaya wenno independensya nu adino ket biag ti inyatang ni Bonifacio ken dagiti dadduma pay a bannuar iti napalabas nga henerasyon.
Kas nangidaulo ken nangbukel ti Katipunan, nagballigi ni Bonifacio tapno magun-od ti pannakawayawaya ti Pilipinas manipud kadagiti Espanyol, partikular ti patas a panagbiag ken ti panagbawi ti dignidad a naibturan ti tallo gasot a nasurok a kolonyalismo.
