BR LA UNION – Natiliw iti dua nga Street Level Individual iti naiwayat a drug buy bust operation idiay Brgy. Dulao, Aringay La Union idi Hunyo 29, 2025 agarop alas 9:45 ti rabii.
Natiliw dagitoy babaen iti nagtipon a puwersa ti PNP, PDEA RO-1, nga indaulwan ti Aringay Police Station.
Dagiti suspek ket agtawen ti 38, addaan live-in partner, mangngalap ken maysa a 59-anyos, addaan asawa, self-employed ken agpada a residente ti nasao a lugar.
Nakumpiskar manipud iti ikot dagiti suspek dagiti sumaganad:
- 11 a pidaso iti heat sealed transparent sachet a mapapati a shabu, nga aggatad a Php 68,000 pesos
- maysa pidaso ti 500 peso bill a nausar kas buy bust money
- maysa pidaso ti nalabbaga a coin purse
- dua a cellular phone
- maysa pakete a sigarilyo
- maysa nga eyeglasses case
Naisayangkat iti operasyon usar ti alternative recording devices, naaramid iti inventory ken markings ti imatang dagiti suspek ken witnesses a barangay officials.
Dagiti suspek ket naipasidong iti kustodiya ti Aringay Police Station ken sumangsango dagitoy iti kaso a violation ti RA 9165.
