BR LA UNION – Malidayan ken dismayado dagiti fishpond operators ditoy syudad ti San Fernando, La Union kalpasan a naglupyas dagiti popokan ken nakabulos dagiti taraken a bangus gapwanan ti awan sarday a panagtudo, a gapwanan iti nagsaruno a bagyo Luis, Maymay ken ti Southwest Monsoon wenno Habagat nga agtultuloy a mangap-apektar iti probinsya.
Iti interview ti Bombo Radyo La Union kenni Rolly Ramos, fishpond owner manipud Barangay Biday ditoy siyudad, kinuna na a saan da a ninamnama iti kinaadu wenno aglab-labes a tudo a gapwanan ti dakes a panawen, isunga saan da a nakapag-harvest a nasap-sapa.
Mapatta-patta a nasurok 50-k a taraken a bangus iti nakabulos manipud iti fishpond wenno kaibatugan ti nasurok kumurang a P200-k.
Inistorya pay ni Ramos nga iti nasurok 30 a tawen a panagtarakenna ti bangus, daytoyen ti maikadwa a daras a napasamak kenkuana.
Gaputi daytoy, nagpanawagan ti lokal a gobyerno a tulungan isuda a makabangon ken makasubbot iti masansan a pannakalugi.
