BR LA UNION – Kinumpirma ni Philippine National Police (PNP) Chief PGen. Rommel Francisco Marbil nga adda nabilin a tracker team a mangtutok iti manhunt operations kenni sigud a PLtCol. Rafael Dumlao III, a kangrunaan a suspek iti pannakatay ti maysa a korean national.
Segun iti hepe, nabayagen a sap-sapolen da ti sigud a pulis ngem inabswelto ti korte iti kaso na idi 2019 ngem na-revive ken naluktan idi 2024 ngem ita laeng a marugyan ti panagsapol kalpasan a naamwan nga adda ti naipaulog a warrant of arrest kontra kenni Dumlao.
Iti agdama, saan pay a nangipaay ti dadduma a detalye iti hepe tapno maliklikan a makompormiso iti maisay-sayangkat nga opersyon tapno matunton iti lokasyon ni Dumlao.
Kabayatanna, pinaglibakan ti hepe dagiti alegsyon ni Sen. Bato Dela Rosa nga adda kameng ti International Criminal Court (ICC) nga agpap-papirma kadagiti sigud a PNP officers tapno tumestigo kontra kenkuana ken ni sigud a presidente Rodrigo Duterte.
Inlawlawag ti hepe, a saan da a sakop ti ICC ken saan met a miyembro iti nasao a korte iti Pilipinas isunga impaganetget na a saan na nga ammo nu sadino iti nangalaan ti nasao a klase ti report.
Kabayatanna, pinadayawan ti PNP idi kalman ti maysa a Hero Cop a nabigbig a ni Police Staff Seargent Carlo S. Navarro manipud Paranaque City para iti kinabanwar nga impamatmat na kalpasan a nagresponde iti maysa nga insidente ti panag-probokar idiay San Antonio Valley 8 a nakaigapwan ti panagsagaba na ti sugat iti ulo ken barukong kalpasan a tinagbat ti suspek babaen ti butcher knife.
Segun kenni Gen. Marbil, a mangipakita daytoy ti kinatured ni Navarro ken pudno a resposibilidad ti pulisiya a mangipaay ti proteksyon ken siguradwen a natalged dagiti umili iti komunidad.
