BR LA UNION – Nabulabog iti maysa nga health spa idiay Scout Chuatoco idiay Quezon City pasado 1:00 itay malem gapu iti naipurwak a maipagarop a granada.
Maibasar iti nakalap a CCTV footages ti Quezon City Police District, adda riding-in-tandem a naisar-ong iti nasao a lugar ket mapapati a maysa kadagitoy ti nangipurwak ti maipagarop a granada iti establishimento.
Maibasar iti report ti QCPD, timmama ti granada iti dua a motorsiklo a nakaparada iti garahe ti nasao nga spa a nakaigapwan ti pannaka-uram dagitoy.
Nupay kasta, awan ti naipadamag a nasaktan wenno natay iti insidente ken dagus a nasebseban iti apoy.
Kabayatanna, agtutuloy iti panagkalap ti impormasyon iti QCPD tapno duktalen ti motibo iti insidente ken siasino dagiti adda ti likudan daytoy.
