LA UNION – Kiniddaw ti maysa a bokal ti La Union kabayatan ti regular session ti Sanggunian Panlalawigan idi kalman iti provincial capitol, a maisayangkat ti imbestigasyon in aid of legislation, nu anya ti epekto na iti aglawlaw iti planta ti semento idiay Barangay Quirino, Bacnotan, La Union.
Inaramid daytoy ni Board Member Anabelle de Guzman kabayatan ti panagsarita na iti sango ti provincial board.
Adda pakainaigan na daytoy iti resulta ti panagadal nga insayangkat ti DMMMSU Institute of Environmental Studies, a ti Holcim plant ket pagtataudan ti polusyon iti angin, a maka-apektar iti biag ken sanikua iti aglawlaw.
