BR LA UNION – Hustisya iti iyik-ikkis ti pamilya Basalo manipud Barangay Nalasin, Balaoan, La Union, kalpasan a natay ti maysa a miembro ti pamilyada.
Nabigbig daytoy iti nagan nga Emman Basalo, agtawen ti 23, working student, ken residente ti nasao a lugar.
Maipalagip a ni Basalo ti biktima iti napasamak nga stabbing incident idi Mayo 31 iti ruar ti bar a pagtrab-trabahauan na idiay Brgy Urbiztondo, San Juan.
Maibasar iti report ti pulisiya, naaddaan ti komosyon iti baetan ti maysa a grupo ken katrabaho ti biktima idi bimmallaet daytoy tapno aganawa, ngem isuna metten ti binagsol da iti buksitna.
Kalpasan iti insidente, nabigbig ti suspek a ni Cris Lacuarda, baro, adda iti umno nga edad ken residente ti Brgy Baracca, Bangar, La Union
Kabayatanna, kalpasan iti dandani tallo a lawas a panagtalinaed na iti ospital, pimmusay met laeng daytoy.
Naulila ti biktima iti 4-months old nga anak na ken incoming 3rd year college student koma daytoyen iti kurso nga AB English.
