Nakatuding a mangisayangkat ti peace rally ti religious group nga Iglesia Ni Cristo wenno INC kas panagkontra ti impeachment kontra kenni Vice President Sara Duterte.
Segun iti grupo, ti rally ket kas panangamong iti waragawag ni Presidente Ferdinand Marcos Jr. a saan a pumabor ti idurduron ti dadduma a sector a nga impeachment wenno panangpaikkat iti puwesto iti Bise Presidente.
Napateg kunana nga asikasuen lattan dagiti adu a problema ditoy pagilian.
Kabayatanna, inlawlawag ti religious group a ti maisayangkat a rally ket para iti kapia ken madi da iti aniaman a gulo.
Maipalagip nga inwaragawag ni Presidente Ferdinand Marcos Jr. a saan daitoy nga umanamong iti kaadda ti impeachment kontra kenni Bise Presidente Sara Duterte agsipud ta mangibus laeng daitoy ti oras dagiti mamanday-linteg nga nasken ket ibales da lattan iti panangresolbar kadagiti adu nga problema ti Pilipinas.
