LA UNION – Kinumpirma ni Department of Justice (DOJ) Secretary Jesus Crispin Remulla iti kadawatan dagiti pulis idiay Jakarta, Indonesia a panangi-barter kenni Alice Guo.
Segun iti sekretaryo a kayat ti Indonesian authorities nga isukat ni Guo iti naaresto nga Australian drug kingpin a ni Gregor Johann Haas.
Ni Haas ket inaresto ti Bureau of Immigration idiay Bogo, Cebu idi Mayo 15.
Addaan ti arrest warrant ni Haas manipud National Narcotics Board ti Indonesia idi Enero 29 gaputi gandat a panangipuslit na iti lima a kilo ti iligal a droga manipud Mexico agturong idiay Indonesia.
