BR LA UNION – Inyanunsyo ni U.S. President Donald Trump idi Miyerkules, Abril 1, 2026 babaen iti Truth Social post na, a kimmiddaw ti ceasefire ti Iran iti Estados Unidos, ngem impaganetget ti Washington a patgan da laeng ti nasao a kiddaw nu lukatan da iti Strait of Hormuz.
Segun kenni Trump,“Iran’s New Regime President, much less Radicalized and far more intelligent than his predecessors, has just asked the United States of America for a CEASEFIRE!.”
Nupay kasta, nainget a pinaglibakan ita ti Iran iti waragawag ni Trump.
Segun iti tagapagsarita ti Ministry of Foreign Affairs ti Iran, iti alegasyon ti ceasefire request ket saan a pudno ken awanan basaran.
“At present there is no negotiation,” segun kenni Iran Foreign Minister Abbas Araghchi iti interview kenkuana ti Al Jazeera.
Maipalagip a ti baro a Supreme Leader ti Iran ket ni Mojtaba Khamenei kalpasan a natay ti ama na iti maysa nga air strike idi napalabas a bulan, bayat a ni Iranian President Masoud Pezeshkian ket nagtakem iti pagilian sipud idi Hulyo 2024.
Innayon ni Trump, nga ikon-konsidera ti Estados Unidos iti ceasefire nu iti Strait of Hormuz ket “open, free, and clear”, ngem iti agdama, agtultuloy ti operasyon kontra Iran.
Ti Strait of Hormuz ket maysa nga akikid a pantalan, iti baetan ti Persian Gulf ken Arabian Sea a dumal-dalanan iti dakkel a porsyento ti global oil ken gas shipments.
Iti pananglukat wenno pannakai-rikep daytoy ket addaan ti nalawa nga epekto iti sangalubongan nga ekonomiya ken seguridad.
Maipalagip a Pilipinas iti immuna a kangrunaan a naapektaran iti panagrikep ti strait of hormuz, a nagresulta iti serye ti big time oil price hike ditoy pagilian ken nakaigapwan iti panangideklara ni Presidente Ferdinand Marcos Jr. ti State of National Energy Emergency.
