LA UNION – Nangidiaya ti P20 milyon a reward iti Kingdom of Jesus Christ (KOJC) nu siasino ti makaipaay ti impormasyon, nu siasino ti nangted ti donasyon a P10-M iti gobyerno kas gunguna iti siasinoman a makasapol itipugante a ni Pastor Apollo Quiboloy.
Segun kenni Atty. Israelito Torreon, abogado ni Quiboloy, a tarigagay ti KOJC a mamwan nu siasino ti adda iti likod ti panangipaay ti P10-M kenni Department of Interior and Local Government (DILG) Secretary Benhur Abalos.
Innayonna nga iligal iti panangawat ti kuwarta manipud iti pribado a tao, maiyannurot iti Republic Act 6713 section 70 a nalawag a mangibagbaga a maipawil kadagiti public officials nga agawat ti anyaman a kuwarta manipud iti pribado a tao.
Kayat ita ti KOJC a maamwan nu siasino ti adda iti likod ti panangbukel ti assasination team a maipagarop a mangpapatay kenni Quiboloy.
Iti nasao a kantidad ket manipud iti naduma-duma a miyembro da iti intero a lubong.
Maipalagip nga idi Hulyo 8 ket inyanunsiyo ti Department of Interior and Local Government nga adda diaya a P10-M a gunguna iti siasinuman a makaitudo iti paglem-lemmengan ni Quiboloy ken sag-P1-M kadagiti co-accused daytoy.
