Pinasingkedan manen dagiti lider ti Kamara manipud iti Lakas-Christian Muslim Democrats (Lakas-CMD) ti suportada kenni Presidente Ferdinand Marcos Junior iti panggepna a narang-ay ken inklusibo a Bagong Pilipinas.
Maigiddato iti dayta, binigbig dagiti lider ti Lakas-CMD ni Speaker Ferdinand Martin G. Romualdez gapu iti nasayaat a panangidaulona a mangitandudo iti legislative agenda ti administrasion ita a 2025.
Dinayaw da Senior Deputy Speaker Aurelio “Dong” Gonzales Junior, Deputy Speaker David “Jay-Jay” Suarez, ken House Majority Leader Manuel Jose “Mannix” Dalipe ni Speaker Romualdez gapu iti strategic ken decisive approach na iti panangitandudo kadagiti kasapulan a reporma tapno mapapartak a maparang-ay ti ekonomia, mapasayaat ti serbisio-publiko, ken mapasayaat ti biag dagiti Pilipino babaen ti direktiba ni Presidente Marcos.
Kinuna dagiti mammanday-linteg nga iti panangidaulo ni Speaker Romualdez ket nagkaykaysa ti Kongreso a mangidanon kadagiti pro-people measures kas maitunos kadagiti development goals ti Presidente.
Dinayaw pay dagiti lider ti Kamara ni Speaker Romualdez gapu ta napagmaymaysa na iti supermajority coalition ken panagballigina a mapadur-as iti pagimbagan dagiti marginalized sector bayat ti panangtamingna kadagiti karit a sangsanguen ti pagilian.
Segun kenni Gonzales, adda napateg nga akem nga inaramid ni Speaker Romualdez tapno maragpat ti record-breaking accomplishment ti Kamara, karaman ditan ti pannakaipasa dagiti addang a direkta a makatulong kadagiti mannalon, mangmangged, ken babassit a negosiante.
Intudo ni Suarez ti pannakaipasa dagiti napateg a wagas iti panangidaulo ni Speaker Romualdez kas iti Republic Act (RA) 12022, wenno ti Anti-Agricultural Economic Sabotage Act, tapno malabanan ti agricultural smuggling, hoarding, profiteering, ken cartels ken panangideklarada kadagitoy nga aramid kas economic sabotage a madusa iti tungpal biag a pannakaibalud.
Dinakamat pay ti pannakabagi manipud Quezon ti RA 12078 a mangpawayway iti Rice Competitiveness Enhancement Fund (RCEF) agingga iti 2031 ken mangingato iti tinawen a mailatang para kadagiti mannalon iti P30 billion manipud iti sigud a P10 billion.
Kinuna ni Dalipe nga iti panangidaulo ni Speaker Romualdez, naipasa ti Kamara ti 61 kadagiti 64 a priority bills ni Presidente Marcos ken ti Legislative-Executive Development Advisory Council (LEDAC).
Binigbig pay dagiti tallo a lider ti Kamara ti panagkumit ni Romualdez a magpasigurado nga epektibo a maipatungpal dagiti naipaulog a linteg.
Dinayaw ni Gonzales ti dedikasion ni Speaker Romualdez iti transparency ken accountability iti pannakaipatungpal dagiti programa ti gobierno tapno napardas a mapadur-as ti ekonomia ti pagilian ken masalakniban dagiti vulnerable social sectors.
Bayat ti iseserrek ti pagilian iti 2025, inyebkas da Gonzales, Suarez, ken Dalipe ti panagtalekda a sumayaat ti kasasaad ti pagilian babaen kadagiti maipatungpal a socioeconomic reforms.
Kinunana a nangikabil ti liderato ni Speaker Romualdez iti natibker a pundasion para iti administrasion Marcos a mangitandudo kadagiti high-impact programs tapno agserbi kadagiti vulnerable sectors.
Inulit manen ni Suarez ti suporta ti Lakas-CMD kenni Speaker Romualdez ken ti legislative agenda ni Presidente Marcos ket inyebkasna ti panagtalek ti dakkel a panagbalbaliw iti pannakaipatungpal dagiti reporma ti gobierno.
Impaganetget ni Dalipe ti kinapateg ti agtultuloy a panagtitinnulong dagiti lehislador, ahensia ti gobierno ken dadduma pay a maseknan.
