LA UNION – Burburtia pay laeng kadagiti otoridad ti pudno a makagapu iti pannakatay ti maysa a lalaki a nasarakan laengen nga awanan iti biag iti tugaw iti sango ti tersena idiay Brgy. Ilocanos Norte, San Fernando City, La Union alas-7:00 itay agsapa.
Nabigbig daytoy a ni Apollo Taguiam, 47-anyos, baro.
Iti pannakiuman ti Bombo Radyo iti kabsatna, kinunana a naklaatda laengen idi nadamagda ti napasamak iti biktima.
Segun kenkuana, agarup tallo a lawasan sipud nangsubli iti bisiona ni Ariel ken manmano a mangan.
Awan met ti ammoda a parikut ti kabsatna a makaigapu iti nalabes a panagin-inomna iti arak.
Indeklara met ti attending physician a dead on the spot ti biktima.
