LA UNION – Maisagsaganan ti kaso a maidatag kontra iti maysa a 76-anyos a lolo a nangtungpa iti maysa a pulis idiay Rosario, La Union.
Nabigbig daytoy a ni Santiago dela Cruz, residente ti Brgy. Udiao ken sumangsango iti kaso nga assault upon person in authority.
Maibasar iti imbestigasion dagiti otoridad, naamuan a sumrek koma ni dela Cruz a sumrek iti plaza a nakaangayan ti pasken para iti panagpiesta ti ili.
Nupay kasta, linapdan isuna ni PO3 May Torefranca ket gapu iti pannakasair ti riknana, nasipatna ti babai a pulis.
Dagus met isuna a tiniliw dagiti otoridad bayat a naiturong iti pagagasan ni Torefranca gapu iti sinagrapna a dunor iti rupana.
