BR LA UNION – Nababan iti tiyansa a mabukel a bagyo iti low pressure area (LPA) nga imon-monitor ti Philippine Atmospheric, Geophysical and Astronomical Services Administration (Pagasa) iti ruar ti Philippine area of responsibility (PAR).
Nupay kasta, iti Shearline ket agraira ken isuti mangpatudo iti Extreme Northern Luzon partikular idiay Batanes ken Babuyan Islands.
Makapadas met iti natudo a panawen idiay Caraga, Davao Region, Camiguin, Misamis Oriental, ken Bukidnon gaputi epekto ti Intertropical Convergence Zone (ITCZ).
Kabayatanna, makapadas met ti nakuyem a panawen, mawaras-waras a panagtudo ken panaggarru-od iti Visayas, Bicol Region, Romblon, agraman idiay Metro Manila ken nabatbati a paset ti pagilian gaputi agraraira nga Easterlies.
