BR LA UNION – Dinayyeg ti magnitude 5 a gingined iti amianan a paset ti Ilocos Norte, agarop alas 9:45 itay agsapa, Oktubre 5, 2025.
Segun iti Philippine Institute of Volcanology and Seismology (Phivolcs), narikna ti panagdayyeg iti kaadayu a 63 a kilometro amianan-a-laud ti Currimao, Ilocos Norte ken aguneg ti 10 a kilometro.
Intensity 1 ti narikna idiay ili ti San Nicolas, Laoag City ken idiay Sinait, Ilocos Sur.
Binalakadan dagiti otoridad dagiti residente iti lugar nga agtalinaed a nakaalerto ken agsagana ingkaso a makarikna ti aftershocks iti rehiyon.
Kabayatanna, nangisayangkat ti panagrikos ken monitoring iti Currimao Municipal Disaster Risk Reduction and Management Office partikular iti coastal areas tapno masiguro nga adda iti nasayaat a kasasaad dagiti residente.
