BR LA UNION – Manamnama a maporma ken sumrek ti maysa a tropical cyclone wenno bagyo iti Philippine Area of Responsibility (PAR) ita a ti Abril, segun iti state weather bureau.
Maibasar iti kaudian a climatological track, impadamag ni weather specialist Benison Estareja a mabalin nga ag-landfall ti bagyo ditoy pagilian.
Ingkaso nga iti nababa a paset ti pagilian iti entry point ti bagyo, kas pagarigan, sumrek iti daya a Mindanao, mabalin nga aglandfall idiay Caraga, Visayas wenno MIMAROPA.
Inlawlawag ti weather specialist nga adda iti sumagmamano a bagyo ita nga Abril ket adda iti eastern Visayas wenno idiay Bicol Region ken agtalinaed iti Luzon, ngem saan a tumama imbes ket agsikko nga agturong iti ruar ti PAR agingga a kumapuy daytoy ken agbalin a low-pressure area (LPA).
Nu mabukel iti bagyo, daytoy ti maikatlo a sumrek iti pagilian ken maawagan ti bagyo Caloy.
