Madanaganen iti National Aeronautics and Space Administration (NASA) gapo kadagiti nagsasaruno a pannakabukel ken panagduprak dagiti bagyo iti West Pacific partikular iti Pilipinas nga inladawan ti ahensya kas ‘unusual sight’.
Kinuna ti NASA a mapaspasamak laeng ti Typhoon season iti West Pacific kadagiti bulan manipud Mayo agingga Oktubre laeng.
Segun met iti Japan Meteorological Agency, dagiti agsasaruno a panagsangpet ti bagyo ita nga bulan ti Nobiembre manipud Pacific Ocean ket ‘first time’ iti pakasaritaan manipud pay idi tawen 1951 a nakapaliiwan metlaeng iti nagsasaruno a panagsangpet dagiti bagyo iti Pacific basin.
Arig na nagsasaruno a simrek dagiti bagyong Marce, Nika, Ofel, ken Pepito iti Philippine Area of Responsibility.
Iti bagyong ‘Marce’, ket nagduprak ditoy pagilian idi Nobyembre 7 ken kalpasan laeng ti uppat nga aldaw ket dagos a pinasarunuan ti bagyong ‘Nika’ a nangdadael met iti probinsya iti Aurora.
Idi laeng napalabas a Huwebes, bulan metlaeng ti Nobiembre, simrek met iti bagyong ‘Ofel’ nu sadino niribo a residente ti kasapulan nga mai-evacuate manipud Northern Luzon.
Kabayatanna, impadamag ti state weather bureau iti panagserrek iti bagyong ‘Pepito’ a mannama a mangdadael met kadagiti paset ti Bicol, Central Luzon agraman Metro Manila ken posible pay a dumanon iti super typhoon category.
Manipud iti naisayangkat nga assessment report ti United Nation (UN) humanitarian coordinator ditoy Pilipinas, kadagiti napalpalabas a bulan ket dimmanonen iti 207,000 a kabalayan ti dinadael dagiti nagsasaruno a panaglandfall dagiti bagyo ditoy pagilian ken 700,000 nga indibidwal ti agtaltalinaed kadagiti evacuation centers.
