BR LA UNION – Agtitinnulong ita iti aganay 14 a ribu a rescuers nga agsapol kadagiti posible pay a survivor iti napigsa a 7.1 magnitude a gingined a timmama iti nasulinek a rehiyon ti Tibet idiay China.
Umabot metten iti 126 a tattao ti natay, nasurok 200 dagiti nasugatan ken 3,000 a pasdek ken istruktura iti nadadael.
Maysa kadagiti makunkuna a lapped wenno makaapektar iti nalawa a rescue operation ket iti panagbaba ti temperatura iti rehiyon, iti negative 16 degrees Celsius.
Timmama iti magnitude 7.1 a gingined idiay Tibet asideg iti Mt. Everest, iti kauneg a 10 km wenno 6 a milya, maibasar iti datos ti US Geological Survey.
Narikna iti napigsa a panagdayyeg agingga iti kaarruba a pagilian idiay Nepal ken sumagmamano a paset ti India, nga asideg idiay Tibet.
Iti timmama a gingined idiay Tibet, China idi Martes ti maysa kadagiti maibilang a deadliest earthquake a timmama iti nasao a pagilian .
