BR LA UNION – Nainget a kinondinar ni Minnesota Governor Tim Walz iti napasamak a pammaltog a nakatayan ni State Rep. Melissa Hortman ken asawana a ni John iti mismo a pagtaengan da idiay Brooklyn Park, Minnesota.
Iti sabali pay nga insidente ti pammaltog, nasugatan ni State Sen. John Hoffman ken misis na, iti pagtaengan dagitoy idiay Champlin, maysa a suburb ti Minneapolis.
Segun kenni Governor Walz, impasigurado na kadagiti otoridad a saanen a maulit ti insidente, nga inladawanna kas ‘politically motivated’ attack.
Kabayatanna, segun kadagiti imbestigador, iti shooter ket naka-kawes kas maysa police officer.
Nabigbigen iti kinasiasino ti suspek, a ni Vance Luther Boelter, agtawen ti 57, akinkukua ti maysa a private security company – iti Praetorian Guard Security Services.
Naamwan a ni Boelter ket nagserbi nga state board kenni Hoffman iti nasurok innem a tawen.
Iti agdama, agtaltalinaed nga at-large ti suspek.
Kasaruno ti insidente, naipangato ti seguridad a maipapaay kadagiti elected officials ken dadduma pay a posible nga addaan ti risgo ti biag.
