Mabalinen nga iproseso dagiti Filipino seafarers ti dandani amin a kasapulan a dokumento da iti panagsakay da anen iti barko.
Daytoy ket kalpasan a pormal a nairugi iti E-Sea App a panggep nga i-streamline dagiti napapateg a seafaring paperwork babaen ti panangyakar iti daytoy iti digital platform.
Ti nadakamat nga aplikasion ket nagtitipon a proyekto ti Associated Marine Officers and Seamen’s Union of the Philippines (AMOSUP) ken United Training Services (UTS).
Gawang-Pinoy met daitoy isu nga awan ti problema iti kalidad ken performance-na.
Panggep daytoy nga addang a baliwan no kasano nga imanehar dagiti marino ti karera ken papeles da a libre.
Segun iti founder ken chief executive officer ti United Training Services a ni Jan Hart, makatulong ti aplikasionda iti gagangay a karit a sangsanguen dagiti Filipino seafarers.
Karaman ditoy ti panangala iti sertipiko, pasaporte, payroll, ken travel documents.
