LA UNION – Ikonkonsindera ti National Security Council (NSC) kas national security concern iti pangta ni Vice President Sara Duterte iti biag ni President Ferdinand Marcos Jr. kalpasan nga imbaga ni VP Sara nga ipa-patay na iti presidente.
Kinuna ni National Security Adviser (NSA) Eduardo Año nga imbestigaran da ti napasamak a pangta ti biag ti Presidente ti Pilipinas ken pagsungbaten da ti nagbalin a waragawag ti Bise Presidente.
Naki-koordinaren ti NSC kadagiti otoridad ken intelligence agencies tapno imbestigaran dagiti agar-aramid ti krimen nu anya a klase ti pangta ken motibo kontra iti Presidente ti Pilipinas.
Inallokoy ni Año iti publiko nga agbalin a kalmado ken siniguro na nga aramiden ti ahensya da ti amin a kabaelan tapno agtalinaed a natalged ti biag ni PBBM maiyannurot iti Konstitusyon, dagiti institusyon demokratiko, ken iti chain of command iti amin a gundaway.
