LA UNION – Inwaragawag ti Presidential Anti-Organized Crime Commission (PAOCC) idi kalman, Domingo, a sumagmamano kadagiti tao da iti nakaawat ti death threats gapu iti isay-sayangkat dagitoy nga imbestigasyon ken raid kadagiti ilegal a Philippine Offshore Gaming Operator (POGO) hubs.
Segun kenni PAOCC spokesperson Winston John Casio, a kanayon da a naka-alerto iti anyaman a posible a mapasamak.
Iti PAOCC ti adda iti likod ti sumagmamano a dadackel a raid ken panagaresto itay nabiit kadagiti POGO hub a karaman iti kriminal nga aramid, kabilang idiay Bamban, Tarlac ken Porac, Pampanga.
Gapu kadagiti nasao nga operasyon, ribu a Pilipino ken foreign nationals, kabilang dagiti Chinese, Malaysians, ken Vietnamese, iti na-rescue. Sumagmamano kadagiti na-rescue ket biktima ti torture ken kidnapping.
Natiliw pay iti sumagmamano a gangannaet kalpasan dagiti naisayangkat a raid .
Iti likudan daytoy, impaganetget ni Casio a ti PAOCC ket maysa laeng a civilian agency ken dagiti tao da ket analysts a masansan ket saan nga agus-usar ti armas kadagiti raid operations.
Immunan nga imbaga ti PAOCC nga adda iti 300 a POGOs nga ilegal nga agop-operate ditoy pagilian ken saan a sumursurot iti regulasyon ti Philippine Amusement and Gaming Corporation (PAGCOR).
