Saan a rumbeng nga agtaginayon ti panagbalin a ‘dependent’ ti Pilipinas kadagiti foreig aids, segun kenni Senate Minority Leader Koko Pimentel.
Ti statement ni Pimentel ket kalpasan ti temporario a panagsupende ni US President Donald Trump ti dandani amin a foreign assistance tapno repasuenna na pay ti foreign policy-na nu maibagay metlaeng iti alokasyon ti tulong nga ipapaay ti pagilian da.
Segun kenni Pimentel, masapul a sursuruen ti Pilipinas ti agbiag uray no awan ti tulong ti sabali a pagilian a kas iti Estados Unidos.
Nupay kasta, rumbeng laeng a pagyamanan ti amin a tulong nga ipapaay ti sabali a pagilian nga awan ti aniaman a kondisionda.
Kabayatanna, kinuna ni Senador Loren Legarda a rumbeng nga addaan ti Department of Foreign Affairs iti dialogo kadagiti counterparts da idiay America maipapan iti issue.
Patien met ti senadora a rumbeng a mapapigsa ti depensa ti Pilipinas.
Maysa ti US kadagiti top donors ti Pilipinas no maipapan iti official development assistance wenno ODA – idi 2023, nangipaay ti Estados Unidos iti 147.7 a milion a doliar kas official development assistance.
Nupay kasta, kinuna ti National Economic Development Authority (Neda) a bassit laeng ti epekto ti U.S. assistance suspension iti ekonomia ti Pilipinas.
