Pinasingkedan ti Philippine Health Insurance Corporation (PhilHealth) nga awan ti panagngato ti contribution rate da.
Daytoy ket uray no awan pay ti nailatang a subsidy para iti state health insurer manipud iti 2025 national budget.
Kayatna a sawen, agtalinaed ti premium contribution rate iti agdama a 5%.
Dagiti addaan iti monthly salary base a P10,000 ket agtalinaed iti P500 kas binulan a premium rate.
Kadagiti met addaan iti binulan a sueldo a P10,000 agingga iti P99,999.99, ti binulan a kontribusion da ket P500 agingga iti P5,000 idinto a dagiti P100,000 ket addaan iti binulan a premium a P5,000.
Kabayatanna, impasimudaag met ti state health insurer ti posibilidad a maipababa ti contribution rates gapu ta umdas ti reserve funds-da.
Immuna nga impadamag ti PhilHealth nga addaan iti sobra a P150 billion a reserve funds ken dandani P489 billion iti investments ken impatalged da nga addaan iti solido a pinansial a posision ken kabaelanda nga agserbi kadagiti 115 milion a miembro.
