Nagpinnirma ti innem nga Memorandum of Understanding (MOU) ti Pilipinas ken South Korea iti naangay a bilateral meeting iti baetan da Presidente Ferdinand aros Junior ken South Korea President Yoon Suk Yeol.
Iti joint statement, minaysa-maysa ni Presidente Marcos dagitoy a katulagan:
Pakairamanan ti Memorandum of Understanding iti baetan ti Philippine coast guard ken Korean coast guard nu sadino panggep iti understanding ken mutual trust ti dua a pagilian iti tunggal maysa.
Daitoy ket tapno maitandudo, mapagtalinaed, ken maproteksyonan ti kapada a maritime interest ken maritime safety ti dua a pagilian.
Napirmaan pay ti MOU para iti economic innovation partnership program para iti framework of cooperation iti pannakaidur-as ti national ken urban development iti Pilipinas.
Adda met katulagan para kadagiti supply chain wenno estratehiko a panagtitinnulong iti kritikal a raw material supply chain.
Napagnunumuan pay ti Pilipinas ken South Korea nga ituloy ti feasibility study wenno panagadal iti rehabilitasyon ti Bataan nuclear power plant, iti panggep a mangnayon iti energy security ti pagilian.
Naserraan pay ti maysa a katulagan tapno mapatibker ti pannakaipatungpal ti proyekto a Samar-Coastal road 2; ti proyekto ti Laguna lakeshore network; ken proyekto ti Panay-Guimaras bridges babaen ti loan agreement.
Adda met katulagan para iti pannakaitandudo ti bilateral cooperation iti tay-ak ti turismo manipud 2024 agingga 2029.
Iti agdama, addaan ti Pilipinas iti pakabuklan a 62 a katulagan iti Republic of Korea para iti nadumaduma a tay-ak a pakairamanan ti trade, education, energy, defense, information, transportation, mutual legal assistance, extradition, labour, social security, tourism ken dadduma pay.
