BR LA UNION – Nangipeksa ti panagdanag iti grupo dagiti private hospitals iti panangipatungpal ti no-balance billing policy kadagiti government hospitals.
Kinuna Private Hospitals Association of the Philippines president Dr. Jose Rene de Grano, namnamaen dan a mapunno dagiti private hospitals iti pasyente nu mapunno met ti pasyente kadagiti government hospitals.
Nakailanad iti katulagan da iti Department of Health (DOH) a mangilatang iti private hospitals ti 10 percent a bed capacity para iti charity wards.
Gaputi dayta, sigurado kunana a maaddaan ti problema dagiti private hospital nu kanayun a mapunno ti pasyente iti charity wards dagitoy.
Inlalawag na nga awaten da latta dagiti emergency a pasyente ngem dagus da met laeng nga iyakar iti government hospitals nu maimbagan dagitoy.
