Inaprobaranen iti Korte Suprema ti Rules on Unified Legal Aid Service (ULAS) a panggep nga dagiti abogado ket mangipaay iti 60 nga oras a libre nga serbisyong legal tunggal tallo a tawen.
Daitoy a programa ket para kadagiti marigrigat a Pilipino.
Dagiti libre a serbisyong legal ket pakairamanan iti panag-representa iti korte, legal counseling, panagaramid kadagiti legal a dokumento, legal assistance ken pannakimaysa kadagiti accredited legal outreach programs.
Babaen ti Rules on Unified Legal Aid Service (ULAS), siasinoman nga awan ti kabaelan da ket mabalinen nga ag-avail iti libre a legal service.
Mainaig iti daitoy, dagiti abogado a makakumpleto ti serbisyo ket mabalin a makaala ti credits iti sidong ti Mandatory Continuing Legal Education (MCLE)ken makagun-od kadagiti tax incentives.
Apaman saan da daitoy a masurot ket mabalin a mamulta ti abogado ket saan a makaala iti Certificate of Good Standing manipud iti Office of the Bar Confidant.
