Inawagan ni Baguio City Representative Mark Go ni Mayor Benjamin Magalong a suportaran iti ayuda ti gobierno kadagiti umili iti siudadda.
Kinarit met ni Go ni Magalong a saan a laokan ti politika iti nasayaat a programa ti gobierno.
Pinaglibakan pay ni Go ti alegasion ni Magalong a mangir-iruar ti Office of the Speaker iti pinansial a tulong manipud kadagiti programa ti gobierno nga Ayuda sa Kapos ang Kita Program (AKAP), Assistance to Individuals in Crisis Situation (AICS), ken Tulong Panghanapbuhay in Our Disadvantaged/Displaced Workers (TUPAD) . babaen ti “7-7-7 Ayuda System”.
Intudo ni Go nga adda met bukod a programa ken proyekto dagiti lokal a gobierno para kadagiti masakupan da.
