BR LA UNION – Ad-adalen ti gobyerno babaen ti Department of Energy (DOE) iti posible a panag-import ti langis manipud Russia, ngem awan pay ti aktuwal nga order bayat a maur-uray ti palawag manipud Estados Unidos seknan iti sanctions waiver.
Segun kenni Energy Secretary Sharon Garin, palawaen pay ti Pilipinas dagiti supplier iti langis tapno masiguro ti kinatibker iti supply ditoy pagilian kasaruno ti pabaliw-baliw a presyo iti sangalubongan a merkado, gaputi agtultuloy a ternsiyon idiay Middle East.
Impaganetget ti DOE, a nairanta ti addang tapno ad-adu iti opsyon nga oil suppliers ken saan a mangnamnama iti maymaysa a pagilian, bayat nga agtaltalinaed a nakalukat iti Brunei, India, Canada, ken South America.
Innayon ti DOE, agtaltalinaed nga umdas iti suplay ti langis ditoy pagilian para iti 50-aldaw nga inventory iti petroleum products.
Iti supply ti kerosene ket umanay agingga (105 days), gasolina (54 days), diesel (49 days), ken LPG (36 days).
