BR LA UNION – Nakemmegen dagiti otoridad ti maysa a lalaki nga addaan ti kaso a frustrated murder a napasamak idi pay tawen 2002 wenno nasurok 22 a tawen ti napalabas.
Babaen ti bileg ti warrant of arrest nga inyisyu ti Regional Trial Court, Branch 29, City of San Fernando, La Union inarestar dagiti kameng ti Bacnotan Police Station iti suspek agarop alas 6:13 ti sardam idi Miyerkoles, Pebrero 12, idiay Barangay Nagsimbaanan, Bacnotan, La Union.
Binigbig ni PCol. Heryl L. Bruno, agdama a director iti La Union Police Provincial Office, iti suspek kas 40-anyos a mister, residente ti Barangay Cabaroan ti nasao nga ili.
Maibasar iti record ti pulisiya, nagramot iti kaso ti suspek gaputi panang-bagsol na iti menor de edad a nakainom ti nasanger ken nagprobokar iti maysa a pasdek negosyo a pagtrab-trabahuanna kas cashier idi Oktubre 7, 2002.
Ti suspek ket naipasidong iti custodiya ti Bacnotan Police Station para iti umno a disposisyon.
