BR LA UNION – Naragsak nga impadamag ni La Union Provincial Tourism Office iti nangato a bilang dagiti turista a simmangbay ditoy La Union iti uneg ti siyam nga aldaw.
Segun kenni Julius Manabat, Supervising Tourism Operations Officer ti La Union, a maibasar iti datos, umabot iti nasurok 300,000 a turista ti bimmisita manipud April 12 agingga April 20 idi holyweek.
Ti nasao a bilang ket manipud iti napagtitipon a datos dagiti tourism officer iti naduma-duma nga ili ditoy La Union.
Iti most visited tourist spot ditoy La Union ket iti ili a San Juan a nalatak kas Surfing Capital of the North ken Namacpacan church idiay ili ti Luna iti most visited pilgrimage site.
Innayon pay ni Manabat a nakasagana ti La Union iti posible a panagdopodop manen dagiti turista ita a summer, dagiti agturong kadagiti maipag-pannakel a beach, waterfalls ken dadduma pay tourism destinations.
