LA UNION – Arestado iti maysa a seaman gaputi kaso a panaglabsing iti R.A. 7610 wenno anti child abuse law.
Maibasar iti report, nabigbig ti suspek iti nagan a Herolito Cadano, 55, addaan ti asawa, residente ti Barangay Baccuit Norte, Bauang, La Union.
Natiliw babaen iti bileg ti warrant of arrest nga impaulog ni Judge Ferdinand Fe ti Regional Trial Court, Branch 67, idiay Bauang, La Union.
Nupay kasta, dagus met laeng a nawaya-wayaan ni Cadano kalpasan a nagbayad ti maiyannatop a piyansa nga umabot iti P80,000.
