LA UNION – Simple laeng iti selebrasyon ti paskua dagiti Pilipino idiay Japan.
Iti interview ti Bombo Radyo La Union kenni Bombo International News Correspondent Myles Briones, kinuna na nga umanayen ti chicken ken cake a pagsasangwan iti maysa a pamilya.
Ngem adda met laeng kunana dagiti mangisayangkat ti christmas parties nangruna iti grupo dagiti Pilipino.
Maysa pay a kapaliiwan nu madanon ti holiday season idiay Japan ket mapunno dagiti restaurants.
Segun kenni Briones, kasapolan ti reservation nu adda plano a sumrek kadagiti nasao a pasdek, agsipudta uray dagiti Japanese a saan a Katoliko ket maki-selebrar da met iti paskua, nga isuti aldaw ti pannakaipasngay ti Mesiah.
